Posted by: Alexandre Borovik | April 23, 2020

Poems for Lockdown IX: oт матфеа святое благовествование, Зачала 10-12

от матфеа святое благовествование, Зачала 10-12

(Зачало 10)
И по нем идоша народи мнози от галилеи и десяти град, и от иерусалима и иудеи, и со онаго полу иордана.
Узрев же народы, взыде на гору: и седшу ему, приступиша к нему ученицы его.
И отверз уста своя, учаше их, глаголя:
блажени нищии духом: яко тех есть царствие небесное.
блажени плачущии: яко тии утешатся.
блажени кротцыи: яко тии наследят землю.
блажени алчущии и жаждущии правды: яко тии насытятся.
блажени милостивии: яко тии помиловани будут.
блажени честии сердцем: яко тии бога узрят.
блажени миротворцы: яко тии сынове божии нарекутся.
блажени изгнани правды ради: яко техъ есть царствие небесное.
блажени есте, егда поносят вам, и ижденут, и рекут всяк зол глагол на вы лжуще, мене ради:
радуйтеся и веселитеся, яко мзда ваша многа на небесех: тако бо изгнаша пророки, иже (беша) прежде вас.
Вы есте соль земли: аще же соль обуяет, чим осолится? ни во чтоже будет ктому, точию да изсыпана будет вон и попираема человеки.

(Зачало 11)
Вы есте свет мира: не можетъ град укрытися верху горы стоя:
ниже вжигают светилника и поставляют его под спудом, но на свещнице, и светит всем, иже в храмине (суть).
Тако да просветится свет ваш пред человеки, яко да видят ваша добрая дела и прославятъ отца вашего, иже на небесех.
(Да) не мните, яко приидох разорити закон, или пророки: не приидох разорити, но исполнити.
Аминь бо глаголю вам: дондеже прейдет небо и земля, иота едина, или едина черта не прейдет от закона, дондеже вся будут.
Иже аще разорит едину заповедий сихъ малых и научит тако человеки, мний наречется в царствии небеснем: а иже сотворит и научит, сей велий наречется в царствии небеснем.

(Зачало 12)
Глаголю бо вам, яко аще не избудетъ правда ваша паче книжник и фарисей, не внидете в царствие небесное.
Слышасте, яко речено бысть древним: не убиеши: иже (бо) аще убиет, повиненъ есть суду.
Аз же глаголю вам, яко всяк гневаяйся на брата своего всуе повинен есть суду: иже бо аще речет брату своему: рака, повинен есть сонмищу: а иже речет: уроде, повинен есть геенне огненней.
Аще убо принесеши дар твой ко олтарю и ту помянеши, яко брат твой имать нечто на тя:
остави ту дар твой пред олтарем и шед прежде смирися с братом твоим, и тогда пришед принеси дар твой.
Буди увещаваяся с соперником твоимъ скоро, дондеже еси на пути с ним, да не предастъ тебе соперник судии, и судия тя предаст слузе, и в темницу ввержен будеши:
аминь глаголю тебе: не изыдеши оттуду, дондеже воздаси последний кодрант.

[На церковно-славянском языке гражданским шрифтом – не смог быстро найти традиционный шрифт, который можно было бы использовать в емайле. – АБ]


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Categories

%d bloggers like this: